ಶ್ರೀರಾಧಾಕೃಷ್ಣಸಹಸ್ತ್ರನಾಮಸ್ತೋತ್ರಮ್
ಧ್ಯಾನಮ್
ಸ್ವಭಾವತೋಽಪಾಸ್ತಸಮಸ್ತದೋಷ – ಮಶೇಷಕಲ್ಯಾಣಗುಣೈಕರಾಶಿಮ್ ।
ವ್ಯೂಹಾಙ್ಗಿನಂ ಬ್ರಹ್ಮ ಪರಂ ವರೇಣ್ಯಂ ಧ್ಯಾಯೇಮ ಕೃಷ್ಣಂ ಕಮಲೇಕ್ಷಣಂ ಹರಿಮ್ ॥
ಅಙ್ಗೇ ತು ವಾಮೇ ವೃಷಭಾನುಜಾಂ ಮುದಾ ವಿರಾಜಮಾನಾಮನುರೂಪಸೌಭಗಾಮ್ ।
ಸಖೀಸಹಸ್ತ್ರೈಃ ಪರಿಸೇವಿತಾಂ ಸದಾ ಸ್ಮರೇಮ ದೇವೀಂ ಸಕಲೇಷ್ಟಕಾಮದಾಮ್ ॥
ಸನತ್ಕುಮಾರ ಉವಾಚ
ತತಸ್ತ್ತ್ವಂ ನಾರದ ಪುನಃ ಪೃಷ್ಟವಾನ್ ವೈ ಸದಾಶಿವಮ್ ।
ನಾಮ್ನಾಂ ಸಹಸ್ತ್ರಂ ತಚ್ಚಾಪಿ ಪ್ರೋಕ್ತವಾಂಸ್ತಚ್ಛೃಣುಷ್ವ ಮೇ ।
ಧ್ಯಾತ್ವಾ ವೃನ್ದಾವನೇ ರಮ್ಯೇ ಯಮುನಾತೀರಸಂಗತಮ್ ॥
ಕಲ್ಪವೃಕ್ಷಂ ಸಮಾಶ್ರಿತ್ಯ ತಿಷ್ಠನ್ತಂ ರಾಧಿಕಾಯುತಮ್ ।
ಪಠೇನ್ನಾಮಸಹಸ್ತ್ರಂ ತು ಯುಗಲಾಖ್ಯಂ ಮಹಾಮುನೇ ॥
ಸ್ತೋತ್ರಮ್
ದೇವಕೀನನ್ದನಃ ಶೌರಿರ್ವಾಸುದೇವೋ ಬಲಾನುಜಃ ।
ಗದಾಗ್ರಜಃ ಕಂಸಮೋಹಃ ಕಂಸಸೇವಕಮೋಹನಃ ॥೧॥
ಭಿನ್ನಾರ್ಗಲೋ ಭಿನ್ನಲೋಹಃ ಪಿತೃಬಾಹ್ಯಃ ಪಿತೃಸ್ತುತಃ ।
ಮಾತೃಸ್ತುತಃ ಶಿವಧ್ಯೇಯೋ ಯಮುನಾಜಲಭೇದನಃ ॥೨॥
ವ್ರಜವಾಸೀ ವ್ರಜಾನನ್ದೀ ನನ್ದಬಾಲೋ ದಯಾನಿಧಿಃ ।
ಲೀಲಾಬಾಲಃ ಪದ್ಮನೇತ್ರೋ ಗೋಕುಲೋತ್ಸವ ಈಶ್ವರಃ ॥೩॥
ಗೋಪಿಕಾನನ್ದನಃ ಕೃಷ್ಣೋ ಗೋಪಾನನ್ದಃ ಸತಾಂ ಗತಿಃ ।
ಬಕಪ್ರಾಣಹರೋ ವಿಷ್ಣುರ್ಬಕಮುಕ್ತಿಪ್ರದೋ ಹರಿಃ ॥೪॥
ಬಲದೋಲಾಶಯಶಯಃ ಶ್ಯಾಮಲಃ ಸರ್ವಸುನ್ದರಃ ।
ಪದ್ಮನಾಭೋ ಹೃಷೀಕೇಶ ಕ್ರೀಡಾಮನುಜಬಾಲಕಃ ॥೫॥
ಲೀಲಾವಿಧ್ವಸ್ತಶಕಟೋ ವೇದಮನ್ತ್ರಾಭಿಷೇಚಿತಃ ।
ಯಶೋದಾನನ್ದನಃ ಕಾನ್ತೋ ಮುನಿಕೋಟಿನಿಷೇವಿತಃ ॥೬॥
ನಿತ್ಯಂ ಮಧುವನಾವಾಸೀ ವೈಕುಣ್ಠಃ ಸಮ್ಭವಃ ಕ್ರತುಃ ।
ರಮಾಪತಿರ್ಯದುಪತಿರ್ಮುರಾರಿರ್ಮಧುಸೂದನಃ ॥೭॥
ಮಾಧವೋ ಮಾನಹಾರೀ ಚ ಶ್ರೀಪತಿರ್ಭೂಧರಃ ಪ್ರಭುಃ ।
ಬೃಹದ್ವನಮಹಾಲೀಲೋ ನನ್ದಸೂನುರ್ಮಹಾಸನಃ ॥೮॥
ತೃಣಾವರ್ತಪ್ರಾಣಹಾರೀ ಯಶೋದಾವಿಸ್ಮಯಪ್ರದಃ ।
ತ್ರೈಲೋಕ್ಯವಕ್ತ್ರಃ ಪದ್ಮಾಕ್ಷಃ ಪದ್ಮಹಸ್ತಃ ಪ್ರಿಯಙ್ಕರಃ ॥೯॥
ಬ್ರಹ್ಮಣ್ಯೋ ಧರ್ಮಗೋಪ್ತಾ ಚ ಭೂಪತಿಃ ಶ್ರೀಧರಃ ಸ್ವರಾಟ್ ।
ಅಜಾಧ್ಯಕ್ಷಃ ಶಿವಾಧ್ಯಕ್ಷೋ ಧರ್ಮಾಧ್ಯಕ್ಷೋ ಮಹೇಶ್ವರಃ ॥೧೦॥
ವೇದಾನ್ತವೇದ್ಯೋ ಬ್ರಹ್ಮಸ್ಥಃ ಪ್ರಜಾಪತಿರಮೋಘದೃಕ್ ।
ಗೋಪೀಕರಾವಲಮ್ಬೀ ಚ ಗೋಪಬಾಲಕಸುಪ್ರಿಯಃ ॥೧೧॥
ಬಲಾನುಯಾಯೀ ಬಲವಾನ್ ಶ್ರೀದಾಮಪ್ರಿಯ ಆತ್ಮವಾನ್ ।
ಗೋಪೀಗೃಹಾಙ್ಗಣರತಿರ್ಭದ್ರಃ ಸುಶ್ಲೋಕಮಙ್ಗಲಃ ॥೧೨॥
ನವನೀತಹರೋ ಬಾಲೋ ನವನೀತಪ್ರಿಯಾಶನಃ ।
ಬಾಲವೃನ್ದೀ ಮರ್ಕವೃನ್ದೀ ಚಕಿತಾಕ್ಷಃ ಪಲಾಯಿತಃ ॥೧೩॥
ಯಶೋದಾತರ್ಜಿತಃ ಕಮ್ಪೀ ಮಾಯಾರುದಿತಶೋಭನಃ ।
ದಾಮೋದರೋಽಪ್ರಮೇಯಾತ್ಮಾ ದಯಾಲುರ್ಭಕ್ತವತ್ಸಲಃ ॥೧೪॥
ಸುಬದ್ಧೋಲೂಖಲೋ ನಮ್ರಶಿರಾ ಗೋಪೀಕದರ್ಥಿತಃ ।
ವೃಕ್ಷಭಙ್ಗೀ ಶೋಕಭಙ್ಗೀ ಧನದಾತ್ಮಜಮೋಕ್ಷಣಃ ॥೧೫॥
ದೇವರ್ಷಿವಚನಶ್ಲಾಘೀ ಭಕ್ತವಾತ್ಸಲ್ಯಸಾಗರಃ ।
ವ್ರಜಕೋಲಾಹಲಕರೋ ವ್ರಜಾನನ್ದವಿವರ್ಧನಃ ॥೧೬॥
ಗೋಪಾತ್ಮಾ ಪ್ರೇರಕಃ ಸಾಕ್ಷೀ ವೃನ್ದಾವನನಿವಾಸಕೃತ್ ।
ವತ್ಸಪಾಲೋ ವತ್ಸಪತಿರ್ಗೋಪದಾರಕಮಣ್ಡನಃ ॥೧೭॥
ಬಾಲಕ್ರೀಡೋ ಬಾಲರತಿರ್ಬಾಲಕಃ ಕನಕಾಙ್ಗದೀ ।
ಪೀತಾಮ್ಬರೋ ಹೇಮಮಾಲೀ ಮಣಿಮುಕ್ತಾವಿಭೂಷಣಃ ॥೧೮॥
ಕಿಙ್ಕಿಣೀಕಟಕೀ ಸೂತ್ರೀ ನೂಪುರೀ ಮುದ್ರಿಕಾನ್ವಿತಃ ।
ವತ್ಸಾಸುರಪತಿಧ್ವಂಸೀ ಬಕಾಸುರವಿನಾಶನಃ ॥೧೯॥
ಅಘಾಸುರವಿನಾಶೀ ಚ ವಿನಿದ್ರೀಕೃತಬಾಲಕಃ ।
ಆದ್ಯ ಆತ್ಮಪ್ರದಃ ಸಙ್ಗೀ ಯಮುನಾತೀರಭೋಜನಃ ॥೨೦॥
ಗೋಪಾಲಮಣ್ಡಲೀಮಧ್ಯಃ ಸರ್ವಗೋಪಾಲಭೂಷಣಃ ।
ಕೃತಹಸ್ತತಲಗ್ರಾಸೋ ವ್ಯಞ್ಜನಾಶ್ರಿತಶಾಖಿಕಃ ॥೨೧॥
ಕೃತಬಾಹುಶ್ರೃಙ್ಗಯಷ್ಟಿರ್ಗುಞ್ಜಾಲಂಕೃತಕಣ್ಠಕಃ ।
ಮಯೂರಪಿಚ್ಛಮುಕುಟೋ ವನಮಾಲವಿಭೂಷಿತಃ ॥೨೨॥
ಗೈರಿಕಾಚಿತ್ರಿತವಪುರ್ನವಮೇಘವಪುಃ ಸ್ಮರಃ ।
ಕೋಟಿಕನ್ದರ್ಪಲಾವಣ್ಯೋ ಲಸನ್ಮಕರಕುಣ್ಡಲಃ ॥೨೩॥
ಆಜಾನುಬಾಹುರ್ಭಗವಾನ್ ನಿದ್ರಾರಹಿತಲೋಚನಃ ।
ಕೋಟಿಸಾಗರಗಾಮ್ಭೀರ್ಯಃ ಕಾಲಕಾಲಃ ಸದಾಶಿವಃ ॥೨೪॥
ವಿರಞ್ಚಿಮೋಹನವಪುರ್ಗೋಪವತ್ಸವಪುರ್ಧರಃ ।
ಬ್ರಹ್ಮಾಣ್ಡಕೋಟಿಜನಕೋ ಬ್ರಹ್ಮಮೋಹವಿನಾಶಕಃ ॥೨೫॥
ಬ್ರಹ್ಮಾ ಬ್ರಹ್ಮೇಡಿತಃ ಸ್ವಾಮೀ ಶಕ್ರದರ್ಪಾದಿನಾಶನಃ ।
ಗಿರಿಪೂಜೋಪದೇಷ್ಟಾ ಚ ಧೃತಗೋವರ್ಧನಾಚಲಃ ॥೨೬॥
ಪುರನ್ದರೇಡಿತಃ ಪೂಜ್ಯಃ ಕಾಮಧೇನುಪ್ರಪೂಜಿತಃ ।
ಸರ್ವತೀರ್ಥಾಭಿಷಿಕ್ತಶ್ಚ ಗೋವಿನ್ದೋ ಗೋಪರಕ್ಷಕಃ ॥೨೭॥
ಕಾಲಿಯಾರ್ತಿಕರಃ ಕ್ರೂರೋ ನಾಗಪತ್ನೀಡಿತೋ ವಿರಾಟ್ ।
ಧೇನುಕಾರಿಃ ಪ್ರಲಮ್ಬಾರಿರ್ವೃಷಾಸುರವಿಮರ್ದನಃ ॥೨೮॥
ಮಯಾಸುರಾತ್ಮಜಧ್ವಂಸೀ ಕೇಶಿಕಣ್ಠವಿದಾರಕಃ ।
ಗೋಪಗೋಪ್ತಾ ಧೇನುಗೋಪ್ತಾ ದಾವಾಗ್ನಿಪರಿಶೋಷಕಃ ॥೨೯॥
ಗೋಪಕನ್ಯಾವಸ್ತ್ರಹಾರೀ ಗೋಪಕನ್ಯಾವರಪ್ರದಃ ।
ಯಜ್ಞಪತ್ನ್ಯನ್ನಭೋಜೀ ಚ ಮುನಿಮಾನಾಪಹಾರಕಃ ॥೩೦॥
ಜಲೇಶಮಾನಮಥನೋ ನನ್ದಗೋಪಾಲಜೀವನಃ ।
ಗನ್ಧರ್ವಶಾಪಮೋಕ್ತಾ ಚ ಶಙ್ಖಚೂಡಶಿರೋಹರಃ ॥೩೧॥
ವಂಶೀವಟೀ ವೇಣುವಾದೀ ಗೋಪೀಚಿನ್ತಾಪಹಾರಕಃ ।
ಸರ್ವಗೋಪ್ತಾ ಸಮಾಹ್ವಾನಃ ಸರ್ವಗೋಪೀಮನೋರಥಃ ॥೩೨॥
ವ್ಯಙ್ಗ್ಯಧರ್ಮಪ್ರವಕ್ತಾ ಚ ಗೋಪೀಮಣ್ಡಲಮೋಹನಃ ।
ರಾಸಕ್ರೀಡಾರಸಾಸ್ವಾದೀ ರಸಿಕೋ ರಾಧಿಕಾಧವಃ ॥೩೩॥
ಕಿಶೋರೀಪ್ರಾಣನಾಥಶ್ಚ ವೃಷಭಾನುಸುತಾಪ್ರಿಯಃ ।
ಸರ್ವಗೋಪೀಜನಾನನ್ದೀ ಗೋಪೀಜನವಿಮೋಹನಃ ॥೩೪॥
ಗೋಪಿಕಾಗೀತಚರಿತೋ ಗೋಪೀನರ್ತನಲಾಲಸಃ ।
ಗೋಪೀಸ್ಕನ್ಧಾಶ್ರಿತಕರೋ ಗೋಪಿಕಾಚುಮ್ಬನಪ್ರಿಯಃ ॥೩೫॥
ಗೋಪಿಕಾಮರ್ಜಿತಮುಖೋ ಗೋಪೀವ್ಯಜನವೀಜಿತಃ ।
ಗೋಪಿಕಾಕೇಶಸಂಸ್ಕಾರೀ ಗೋಪಿಕಾಪುಷ್ಪಸಂಸ್ತರಃ ॥೩೬॥
ಗೋಪಿಕಾಹೃದಯಾಲಮ್ಬೀ ಗೋಪೀವಹನತತ್ಪರಃ ।
ಗೋಪಿಕಾಮದಹಾರೀ ಚ ಗೋಪಿಕಾಪರಮಾರ್ಜಿತಃ ॥೩೭॥
ಗೋಪಿಕಾಕೃತಸಲ್ಲೀಲೋ ಗೋಪಿಕಾಸಂಸ್ಮೃತಪ್ರಿಯಃ ।
ಗೋಪಿಕಾವನ್ದಿತಪದೋ ಗೋಪಿಕಾವಶವರ್ತನಃ ॥೩೮॥
ರಾಧಾಪರಾಜಿತಃ ಶ್ರೀಮಾನ್ ನಿಕುಞ್ಜೇಷು ವಿಹಾರವಾನ್ ।
ಕುಞ್ಜಪ್ರಿಯಃ ಕುಞ್ಜವಾಸೀ ವೃನ್ದಾವನವಿಕಾಸನಃ ॥೩೯॥
ಯಮುನಾಜಲಸಿಕ್ತಾಙ್ಗೋ ಯಮುನಾಸೌಖ್ಯದಾಯಕಃ ।
ಶಶಿಸಂಸ್ತಮ್ಭನಃ ಶೂರಃ ಕಾಮೀ ಕಾಮವಿಮೋಹನಃ ॥೪೦॥
ಕಾಮಾದ್ಯಃ ಕಾಮನಾಥಶ್ಚ ಕಾಮಮಾನಸಭೇದನಃ ।
ಕಾಮದಃ ಕಾಮರೂಪಶ್ಚ ಕಾಮಿನೀಕಾಮಸಂಚಯಃ ॥೪೧॥
ನಿತ್ಯಕ್ರೀಡೋ ಮಹಾಲೀಲಃ ಸರ್ವ ಸರ್ವಗತಸ್ತಥಾ ।
ಪರಮಾತ್ಮಾ ಪರಾಧೀಶಃ ಸರ್ವಕಾರಣಕಾರಣಃ ॥೪೨॥
ಗೃಹೀತನಾರದವಚೋ ಹ್ಯಕ್ರೂರಪರಿಚಿನ್ತಿತಃ ।
ಅಕ್ರೂರವನ್ದಿತಪದೋ ಗೋಪಿಕಾತೋಷಕಾರಕಃ ॥೪೩॥
ಅಕ್ರೂರವಾಕ್ಯಸಂಗ್ರಾಹೀ ಮಥುರಾವಾಸಕಾರಣಃ ।
ಅಕ್ರೂರತಾಪಶಮನೋ ರಜಕಾಯುಃಪ್ರಣಾಶನಃ ॥೪೪॥
ಮಥುರಾನನ್ದದಾಯೀ ಚ ಕಂಸವಸ್ತ್ರವಿಲುಣ್ಠನಃ ।
ಕಂಸವಸ್ತ್ರಪರೀಧಾನೋ ಗೋಪವಸ್ತ್ರಪ್ರದಾಯಕಃ ॥೪೫॥
ಸುದಾಮಗೃಹಗಾಮೀ ಚ ಸುದಾಮಪರಿಪೂಜಿತಃ ।
ತನ್ತುವಾಯಕಸಮ್ಪ್ರೀತಃ ಕುಬ್ಜಾಚನ್ದನಲೇಪನಃ ॥೪೬॥
ಕುಬ್ಜಾರೂಪಪ್ರದೋ ವಿಜ್ಞೋ ಮುಕುನ್ದೋ ವಿಷ್ಟರಶ್ರವಾಃ ।
ಸರ್ವಜ್ಞೋ ಮಥುರಾಲೋಕೀ ಸರ್ವಲೋಕಾಭಿನನ್ದನಃ ॥೪೭॥
ಕೃಪಾಕಟಾಕ್ಷದರ್ಶೀ ಚ ದೈತ್ಯಾರಿರ್ದೇವಪಾಲಕಃ ।
ಸರ್ವದುಃಖಪ್ರಶಮನೋ ಧನುರ್ಭಙ್ಗೀ ಮಹೋತ್ಸವಃ ॥೪೮॥
ಕುವಲಯಾಪೀಡಹನ್ತಾ ದನ್ತಸ್ಕನ್ಧಬಲಾಗ್ರಣೀಃ ।
ಕಲ್ಪರೂಪಧರೋ ಧೀರೋ ದಿವ್ಯವಸ್ತ್ರಾನುಲೇಪನಃ ॥೪೯॥
ಮಲ್ಲರೂಪೋ ಮಹಾಕಾಲಃ ಕಾಮರೂಪೀ ಬಲಾನ್ವಿತಃ ।
ಕಂಸತ್ರಾಸಕರೋ ಭೀಮೋ ಮುಷ್ಟಿಕಾನ್ತಶ್ಚ ಕಂಸಹಾ ॥೫೦॥
ಚಾಣೂರಘ್ನೋ ಭಯಹರಃ ಶಲಾರಿಸ್ತೋಶಲಾನ್ತಕಃ ।
ವೈಕುಣ್ಠವಾಸೀ ಕಂಸಾರಿಃ ಸರ್ವದುಷ್ಟನಿಷೂದನಃ ॥೫೧॥
ದೇವದುನ್ದುಭಿನಿರ್ಘೋಷೀ ಪಿತೃಶೋಕನಿವಾರಣಃ ।
ಯಾದವೇನ್ದ್ರ ಸತಾಂ ನಾಥೋ ಯಾದವಾರಿಪ್ರಮರ್ದನಃ ॥೫೨॥
ಶೌರಿಶೋಕವಿನಾಶೀ ಚ ದೇವಕೀತಾಪನಾಶನಃ ।
ಉಗ್ರಸೇನಪರಿತ್ರಾತಾ ಉಗ್ರಸೇನಾಭಿಪೂಜಿತಃ ॥೫೩॥
ಉಗ್ರಸೇನಾಭಿಷೇಕೀ ಚ ಉಗ್ರಸೇನದಯಾಪರಃ ।
ಸರ್ವಸಾತ್ವತಸಾಕ್ಷೀ ಚ ಯದೂನಾಮಭಿನನ್ದನಃ ॥೫೪॥
ಸರ್ವಮಾಥುರಸಂಸೇವ್ಯಃ ಕರುಣೋ ಭಕ್ತಬಾನ್ಧವಃ ।
ಸರ್ವಗೋಪಾಲಧನದೋ ಗೋಪೀಗೋಪಾಲಲಾಲಸಃ ॥೫೫॥
ಶೌರಿದತ್ತೋಪವೀತೀ ಚ ಉಗ್ರಸೇನದಯಾಕರಃ ।
ಗುರುಭಕ್ತೋ ಬ್ರಹ್ಮಚಾರೀ ನಿಗಮಾಧ್ಯಯನೇ ರತಃ ॥೫೬॥
ಸಂಕರ್ಷಣಸಹಾಧ್ಯಾಯೀ ಸುದಾಮಸುಹೃದೇವ ಚ ।
ವಿದ್ಯಾನಿಧಿಃ ಕಲಾಕೋಶೋ ಮೃತಪುತ್ರಪ್ರದಸ್ತಥಾ ॥೫೭॥
ಚಕ್ರೀ ಪಾಞ್ಚಜನೀ ಚೈವ ಸರ್ವನಾರಕಿಮೋಚನಃ ।
ಯಮಾರ್ಚಿತಃ ಪರೋ ದೇವೋ ನಾಮೋಚ್ಚಾರವಶೋಽಚ್ಯುತಃ ॥೫೮॥
ಕುಬ್ಜಾವಿಲಾಸೀ ಸುಭಗೋ ದೀನಬನ್ಧುರನೂಪಮಃ ।
ಅಕ್ರೂರಗೃಹಗೋಪ್ತಾ ಚ ಪ್ರತಿಜ್ಞಾಪಾಲಕಃ ಶುಭಃ ॥೫೯॥
ಜರಾಸಂಧಜಯೀ ವಿದ್ವಾನ್ ಯವನಾನ್ತೋ ದ್ವಿಜಾಶ್ರಯಃ ।
ಮುಚುಕುನ್ದಪ್ರಿಯಕರೋ ಜರಾಸಂಧಪಲಾಯಿತಃ ॥೬೦॥
ದ್ವಾರಕಾಜನಕೋ ಗೂಢೋ ಬ್ರಹ್ಮಣ್ಯಃ ಸತ್ಯಸಂಗರಃ ।
ಲೀಲಾಧರಃ ಪ್ರಿಯಕರೋ ವಿಶ್ವಕರ್ಮಾ ಯಶಃಪ್ರದಃ ॥೬೧॥
ರುಕ್ಮಿಣೀಪ್ರಿಯಸಂದೇಶೋ ರುಕ್ಮಶೋಕವಿವರ್ಧನಃ ।
ಚೈದ್ಯಶೋಕಾಲಯಃ ಶ್ರೇಷ್ಠೋ ದುಷ್ಟರಾಜನ್ಯನಾಶನಃ ॥೬೨॥
ರುಕ್ಮಿವೈರೂಪ್ಯಕರಣೋ ರುಕ್ಮಿಣೀವಚನೇ ರತಃ ।
ಬಲಭದ್ರವಚೋಗ್ರಾಹೀ ಮುಕ್ತರುಕ್ಮೀ ಜನಾರ್ದನಃ ॥೬೩॥
ರುಕ್ಮಿಣೀಪ್ರಾಣನಾಥಶ್ಚ ಸತ್ಯಭಾಮಾಪತಿಃ ಸ್ವಯಮ್ ।
ಭಕ್ತಪಕ್ಷೀ ಭಕ್ತಿವಶ್ಯೋ ಹ್ಯಕ್ರೂರಮಣಿದಾಯಕಃ ॥೬೪॥
ಶತಧನ್ವಾಪ್ರಾಣಹಾರೀ ಋಕ್ಷರಾಜಸುತಾಪ್ರಿಯಃ ।
ಸತ್ರಾಜಿತ್ತನಯಾಕನ್ತೋ ಮಿತ್ರವಿನ್ದಾಪಹಾರಕಃ ॥೬೫॥
ಸತ್ಯಾಪತಿರ್ಲಕ್ಷ್ಮಣಾಜಿತ್ಪೂಜ್ಯೋ ಭದ್ರಾಪ್ರಿಯಙ್ಕರಃ ।
ನರಕಾಸುರಘಾತೀ ಚ ಲೀಲಾಕನ್ಯಾಹರೋ ಜಯೀ ॥೬೬॥
ಮುರಾರಿರ್ಮದನೇಶೋಽಪಿ ಧರಿತ್ರೀದುಃಖನಾಶನಃ ।
ವೈನತೇಯೀ ಸ್ವರ್ಗಗಾಮೀ ಅದಿತ್ಯೈ ಕುಣ್ಡಲಪ್ರದಃ ॥೬೭॥
ಇನ್ದ್ರರ್ಚಿತೋ ರಮಾಕಾನ್ತೋ ವಜ್ರಿಭಾರ್ಯಾಪ್ರಪೂಜಿತಃ ।
ಪಾರಿಜಾತಾಪಹಾರೀ ಚ ಶಕ್ರಮಾನಾಪಹಾರಕಃ ॥೬೮॥
ಪ್ರದ್ಯುಮ್ನಜನಕಃ ಸಾಮ್ಬತಾತೋ ಬಹುಸುತೋ ವಿಧುಃ ।
ಗರ್ಗಾಚಾರ್ಯಃ ಸತ್ಯಗತಿರ್ಧರ್ಮಾಧಾರೋ ಧರಾಧರಃ ॥೬೯॥
ದ್ವಾರಕಾಮಣ್ಡನಃ ಶ್ಲೋಕ್ಯಃ ಸುಶ್ಲೋಕೋ ನಿಗಮಾಲಯಃ ।
ಪೌಣ್ಡ್ರಕಪ್ರಾಣಹಾರೀ ಚ ಕಾಶೀರಾಜಶಿರೋಹರಃ ॥೭೦॥
ಅವೈಷ್ಣವವಿಪ್ರದಾಹೀ ಸುದಕ್ಷಿಣಭಯಾವಹಃ ।
ಜರಾಸಂಧವಿದಾರೀ ಚ ಧರ್ಮನನ್ದನಯಜ್ಞಕೃತ್ ॥೭೧॥
ಶಿಶುಪಾಲಶಿರಶ್ಛೇದೀ ದನ್ತವಕ್ತ್ರವಿನಾಶನಃ ।
ವಿದೂರಥಾನ್ತಕಃ ಶ್ರೀಶಃ ಶ್ರೀದೋ ದ್ವಿವಿದನಾಶನಃ ॥೭೨॥
ರುಕ್ಮಿಣೀಮಾನಹಾರೀ ಚ ರುಕ್ಮಿಣೀಮಾನವರ್ಧನಃ ।
ದೇವರ್ಷಿಶಾಪಹರ್ತಾ ಚ ದ್ರೌಪದೀವಾಕ್ಯಪಾಲಕಃ ॥೭೩॥
ದುರ್ವಾಸಾಭಯಹಾರೀ ಚ ಪಾಞ್ಚಾಲೀಸ್ಮರಣಾಗತಃ ।
ಪಾರ್ಥದೂತಃ ಪಾರ್ಥಮನ್ತ್ರೀ ಪಾರ್ಥದುಃಖೌಘನಾಶನಃ ॥೭೪॥
ಪಾರ್ಥಮಾನಾಪಹಾರೀ ಚ ಪಾರ್ಥಜೀವನದಾಯಕಃ ।
ಪಾಞ್ಚಾಲೀವಸ್ತ್ರದಾತಾ ಚ ವಿಶ್ವಪಾಲಕಪಾಲಕಃ ॥೭೫॥
ಶ್ಚೇತಾಶ್ವಸಾರಥಿಃ ಸತ್ಯಃ ಸತ್ಯಸಾಧ್ಯೋ ಭಯಾಪಹಃ ।
ಸತ್ಯಸನ್ಧಃ ಸತ್ಯರತಿಃ ಸತ್ಯಪ್ರಿಯ ಉದಾರಧೀಃ ॥೭೬॥
ಮಹಾಸೇನಜಯೀ ಚೈವ ಶಿವಸೈನ್ಯವಿನಾಶನಃ ।
ಬಾಣಸುರಭುಜಚ್ಛೇತ್ತಾ ಬಾಣಬಾಹುವರಪ್ರದಃ ॥೭೭॥
ತಾರ್ಕ್ಷ್ಯಮಾನಾಪಹಾರೀ ಚ ತಾರ್ಕ್ಷ್ಯತೇಜೋವಿವರ್ಧನಃ ।
ರಾಮಸ್ವರೂಪಧಾರೀ ಚ ಸತ್ಯಭಾಮಾಮುದಾವಹಃ ॥೭೮॥
ರತ್ನಾಕರಜಲಕ್ರೀಡೋ ವ್ರಜಲೀಲಾಪ್ರದರ್ಶಕಃ ।
ಸ್ವಪ್ರತಿಜ್ಞಾಪರಿಧ್ವಂಸೀ ಭೀಷ್ಮಾಜ್ಞಾಪರಿಪಾಲಕಃ ॥೭೯॥
ವೀರಾಯುಧಹರಃ ಕಾಲಃ ಕಾಲಿಕೇಶೋ ಮಹಾಬಲಃ ।
ಬರ್ಬರೀಕಶಿರೋಹಾರೀ ಬರ್ಬರೀಕಶಿರಃಪ್ರದಃ ॥೮೦॥
ಧರ್ಮಪುತ್ರಜಯೀ ಶೂರದುರ್ಯೋಧನಮದಾನ್ತಕಃ ।
ಗೋಪಿಕಾಪ್ರೀತಿನಿರ್ಬನ್ಧನಿತ್ಯಕ್ರೀಡೋ ವ್ರಜೇಶ್ವರಃ ॥೮೧॥
ರಾಧಾಕುಣ್ಡರತಿರ್ಧನ್ಯಃ ಸದಾನ್ದೋಲಸಮಾಶ್ರಿತಃ ।
ಸದಾ ಮಧುವನಾನನ್ದೀ ಸದಾ ವೃನ್ದಾವನಪ್ರಿಯಃ ॥೮೨॥
ಅಶೋಕವನಸಂನದ್ಧಃ ಸದಾ ತಿಲಕಸಙ್ಗತಃ ।
ಸದಾ ಗೋವರ್ಧನರತಿಃ ಸದಾ ಗೋಕುಲವಲ್ಲಭಃ ॥೮೩॥
ಭಾಣ್ಡೀರವಟಸಂವಾಸೀ ನಿತ್ಯಂ ವಂಶೀವಟಸ್ಥಿತಃ ।
ನನ್ದಗ್ರಾಮಕೃತಾವಾಸೋ ವೃಷಭಾನುಗೃಹಪ್ರಿಯಃ ॥೮೪॥
ಗೃಹೀತಕಾಮಿನೀರೂಪೋ ನಿತ್ಯಂ ರಾಸವಿಲಾಸಕೃತ್ ।
ವಲ್ಲವೀಜನಸಂಗೋಪ್ತಾ ವಲ್ಲವೀಜನವಲ್ಲಭಃ ॥೮೫॥
ದೇವಶರ್ಮಕೃಪಾಕರ್ತಾ ಕಲ್ಪಪಾದಪಸಂಸ್ಥಿತಃ ।
ಶಿಲಾನುಗನ್ಧನಿಲಯಃ ಪಾದಚಾರೀ ಘನಚ್ಛವಿಃ ॥೮೬॥
ಅತಸೀಕುಸುಮಪ್ರಖ್ಯಃ ಸದಾ ಲಕ್ಷ್ಮೀಕೃಪಾಕರಃ ।
ತ್ರಿಪುರಾರಿಪ್ರಿಯಕರೋ ಹ್ಯುಗ್ರಧನ್ವಾಪರಾಜಿತಃ ॥೮೭॥
ಷಡ್ಧುರಧ್ವಂಸಕರ್ತಾ ಚ ನಿಕುಮ್ಭಪ್ರಾಣಹಾರಕಃ ।
ವಜ್ರನಾಭಪುರಧ್ವಂಸೀ ಪೌಣ್ಡ್ರಕಪ್ರಾಣಹಾರಕಃ ॥೮೮॥
ಬಹುಲಾಶ್ವಪ್ರೀತಿಕರ್ತಾ ದ್ವಿಜವರ್ಯಪ್ರಿಯಙ್ಕರಃ ।
ಶಿವಸಂಕಟಹಾರೀ ಚ ವೃಕಾಸುರವಿನಾಶನಃ ॥೮೯॥
ಭೃಗುಸತ್ಕಾರಕಾರೀ ಚ ಶಿವಸಾತ್ತ್ವಿಕತಾಪ್ರದಃ ।
ಗೋಕರ್ಣಪೂಜಕಃ ಸಾಮ್ಬಕುಷ್ಠವಿಧ್ವಂಸಕಾರಣಃ ॥೯೦॥
ವೇದಸ್ತುತೋ ವೇದವೇತ್ತಾ ಯದುವಂಶವಿವರ್ಧನಃ ।
ಯದುವಂಶವಿನಾಶೀ ಚ ಉದ್ಧವೋದ್ಧಾರಕಾರಕಃ ॥೯೧॥
ರಾಧಾ ಚ ರಾಧಿಕಾ ಚೈವ ಆನನ್ದಾ ವೃಷಭಾನುಜಾ ।
ವೃನ್ದಾವನೇಶ್ವರೀ ಪುಣ್ಯಾ ಕೃಷ್ಣಮಾನಸಹಾರಿಣೀ ॥೯೨॥
ಪ್ರಗಲ್ಭಾ ಚತುರಾ ಕಾಮಾ ಕಾಮಿನೀ ಹರಿಮೋಹಿನೀ ।
ಲಲಿತಾ ಮಧುರಾ ಮಾಧ್ವೀ ಕಿಶೋರೀ ಕನಕಪ್ರಭಾ ॥೯೩॥
ಜಿತಚನ್ದ್ರಾ ಜಿತಮೃಗಾ ಜಿತಸಿಂಹಾ ಜಿತದ್ವಿಪಾ ।
ಜಿತರಮ್ಭಾ ಜಿತಪಿಕಾ ಗೋವಿನ್ದಹೃದಯೋದ್ಭವಾ ॥೯೪॥
ಜಿತಬಿಮ್ಬಾ ಜಿತಶುಕಾ ಜಿತಪದ್ಮಾ ಕುಮಾರಿಕಾ ।
ಶ್ರೀಕೃಷ್ಣಾಕರ್ಷಣಾ ದೇವೀ ನಿತ್ಯಂ ಯುಗ್ಮಸ್ವರೂಪಿಣೀ ॥೯೫॥
ನಿತ್ಯಂ ವಿಹಾರಿಣೀ ಕಾನ್ತಾ ರಸಿಕಾ ಕೃಷ್ಣವಲ್ಲಭಾ ।
ಆಮೋದಿನೀ ಮೋದವತೀ ನನ್ದನನ್ದನಭೂಷಿತಾ ॥೯೬॥
ದಿವ್ಯಾಮ್ಬರಾ ದಿವ್ಯಹಾರಾ ಮುಕ್ತಾಮಣಿವಿಭೂಷಿತಾ ।
ಕುಞ್ಜಪ್ರಿಯಾ ಕುಞ್ಜವಾಸಾ ಕುಞ್ಜನಾಯಕನಾಯಿಕಾ ॥೯೭॥
ಚಾರುರೂಪಾ ಚಾರುವಕ್ತ್ರಾ ಚಾರುಹೇಮಾಙ್ಗದಾ ಶುಭಾ ।
ಶ್ರೀಕೃಷ್ಣವೇಣುಸಙ್ಗೀತಾ ಮುರಲೀಹಾರಿಣೀ ಶಿವಾ ॥೯೮॥
ಭದ್ರಾ ಭಗವತೀ ಶಾನ್ತಾ ಕುಮುದಾ ಸುನ್ದರೀ ಪ್ರಿಯಾ ।
ಕೃಷ್ಣಕ್ರೀಡಾ ಕೃಷ್ಣರತಿಃ ಶ್ರೀಕೃಷ್ಣಸಹಚಾರಿಣೀ ॥೯೯॥
ವಂಶೀವಟಪ್ರಿಯಸ್ಥಾನಾ ಯುಗ್ಮಾಯುಗ್ಮಸ್ವರೂಪಿಣೀ ।
ಭಾಣ್ಡೀರವಾಸಿನೀ ಶುಭ್ರಾ ಗೋಪೀನಾಥಪ್ರಿಯಾ ಸಖೀ ॥೧೦೦॥
ಶ್ರುತಿನಿಃಶ್ವಸಿತಾ ದಿವ್ಯಾ ಗೋವಿನ್ದರಸದಾಯಿನೀ ।
ಶ್ರೀಕೃಷ್ಣಪ್ರಾರ್ಥನೀಶಾನಾ ಮಹಾನನ್ದಪ್ರದಾಯಿನೀ ॥೧೦೧॥
ವೈಕುಣ್ಠಜನಸಂಸೇವ್ಯಾ ಕೋಟಿಲಕ್ಷ್ಮೀಸುಖಾವಹಾ ।
ಕೋಟಿಕನ್ದರ್ಪಲಾವಣ್ಯಾ ರತಿಕೋಟಿರತಿಪ್ರದಾ ॥೧೦೨॥
ಭಕ್ತಿಗ್ರಾಹ್ಮಾ ಭಕ್ತಿರೂಪಾ ಲಾವಣ್ಯಸರಸೀ ಉಮಾ ।
ಬ್ರಹ್ಮರುದ್ರಾದಿಸಂರಾಧ್ಯಾ ನಿತ್ಯಂ ಕೌತೂಹಲಾನ್ವಿತಾ ॥೧೦೩॥
ನಿತ್ಯಲೀಲಾ ನಿತ್ಯಕಾಮಾ ನಿತ್ಯಶ್ರೃಙ್ಗಾರಭೂಷಿತಾ ।
ನಿತ್ಯವೃನ್ದಾವನರಸಾ ನನ್ದನನ್ದನಸಂಯುತಾ ॥೧೦೪॥
ಗೋಪಿಕಾಮಣ್ಡಲೀಯುಕ್ತಾ ನಿತ್ಯಂ ಗೋಪಾಲಸಂಗತಾ ।
ಗೋರಸಕ್ಷೇಪಣೀ ಶೂರಾ ಸಾನನ್ದಾನನ್ದದಾಯಿನೀ ॥೧೦೫॥
ಮಹಾಲೀಲಾಪ್ರಕೃಷ್ಟಾ ಚ ನಾಗರೀ ನಗಚಾರಿಣೀ ।
ನಿತ್ಯಮಾಘೂರ್ಣಿತಾ ಪೂರ್ಣಾ ಕಸ್ತೂರೀತಿಲಕಾನ್ವಿತಾ ॥೧೦೬॥
ಪದ್ಮಾ ಶ್ಯಾಮಾ ಮೃಗಾಕ್ಷೀ ಚ ಸಿದ್ಧಿರೂಪಾ ರಸಾವಹಾ ।
ಕೋಟಿಚನ್ದ್ರಾನನಾ ಗೌರೀ ಕೋಟಿಕೋಕಿಲಸುಸ್ವರಾ ॥೧೦೭॥
ಶೀಲಸೌನ್ದರ್ಯನಿಲಯಾ ನನ್ದನನ್ದನಲಾಲಿತಾ ।
ಅಶೋಕವನಸಂವಾಸಾ ಭಾಣ್ಡೀರವನಸಂಗತಾ ॥೧೦೮॥
ಕಲ್ಪದ್ರುಮತಲಾವಿಷ್ಟಾ ಕೃಷ್ಣಾ ವಿಶ್ವಾ ಹರಿಪ್ರಿಯಾ ।
ಅಜಾಗಮ್ಯಾ ಭವಾಗಮ್ಯಾ ಗೋವರ್ಧನಕೃತಾಲಯಾ ॥೧೦೯॥
ಯಮುನಾತೀರನಿಲಯಾ ಶಶ್ವದ್ಗೋವಿನ್ದಜಲ್ಪಿನೀ ।
ಶಶ್ವನ್ಮಾನವತೀ ಸ್ನಿಗ್ಧಾ ಶ್ರೀಕೃಷ್ಣಪರಿವನ್ದಿತಾ ॥೧೧೦॥
ಕೃಷ್ಣಸ್ತುತಾ ಕೃಷ್ಣವೃತಾ ಶ್ರೀಕೃಷ್ಣಹೃದಯಾಲಯಾ ।
ದೇವದ್ರುಮಫಲಾ ಸೇವ್ಯಾ ವೃನ್ದಾವನರಸಾಲಯಾ ॥೧೧೧॥
ಕೋಟಿತೀರ್ಥಮಯೀ ಸತ್ಯಾ ಕೋಟಿತೀರ್ಥಫಲಪ್ರದಾ ।
ಕೋಟಿಯೋಗಸುದುಷ್ಪ್ರಾಪ್ಯಾ ಕೋಟಿಯಜ್ಞದುರಾಶ್ರಯಾ ॥೧೧೨॥
ಮನಸಾ ಶಶಿಲೇಖಾ ಚ ಶ್ರೀಕೋಟಿಸುಭಗಾಽನಘಾ ।
ಕೋಟಿಮುಕ್ತಸುಖಾ ಸೌಮ್ಯಾ ಲಕ್ಷ್ಮೀಕೋಟಿವಿಲಾಸಿನೀ ॥೧೧೩॥
ತಿಲೋತ್ತಮಾ ತ್ರಿಕಾಲಸ್ಥಾ ತ್ರಿಕಾಲಜ್ಞಾಪ್ಯಧೀಶ್ವರೀ ।
ತ್ರಿವೇದಜ್ಞಾ ತ್ರಿಲೋಕಜ್ಞಾ ತುರೀಯಾನ್ತನಿವಾಸಿನೀ ॥೧೧೪॥
ದುರ್ಗಾರಾಧ್ಯಾ ರಮಾರಾಧ್ಯಾ ವಿಶ್ವಾರಾಧ್ಯಾ ಚಿದಾತ್ಮಿಕಾ ।
ದೇವಾರಾಧ್ಯಾ ಪರಾರಾಧ್ಯಾ ಬ್ರಹ್ಮಾರಾಧ್ಯಾ ಪರಾತ್ಮಿಕಾ ॥೧೧೫॥
ಶಿವಾರಾಧ್ಯಾ ಪ್ರೇಮಸಾಧ್ಯಾ ಭಕ್ತಾರಾಧ್ಯಾ ರಸಾತ್ಮಿಕಾ ।
ಕೃಷ್ಣಪ್ರಾಣಾರ್ಪಿಣೀ ಭಾಮಾ ಶುದ್ಧಪ್ರೇಮವಿಲಾಸಿನೀ ॥೧೧೬॥
ಕೃಷ್ಣಾರಾಧ್ಯಾ ಭಕ್ತಿಸಾಧ್ಯಾ ಭಕ್ತವೃನ್ದನಿಷೇವಿತಾ ।
ವಿಶ್ವಾಧಾರಾ ಕೃಪಾಧಾರಾ ಜೀವಾಧಾರಾತಿನಾಯಿಕಾ ॥೧೧೭॥
ಶುದ್ಧಪ್ರೇಮಮಯೀ ಲಜ್ಜಾ ನಿತ್ಯಸಿದ್ಧಾ ಶಿರೋಮಣಿಃ।
ದಿವ್ಯರೂಪಾ ದಿವ್ಯಭೋಗಾ ದಿವ್ಯವೇಷಾ ಮುದಾನ್ವಿತಾ ॥೧೧೮॥
ದಿವ್ಯಾಙ್ಗನಾವೃನ್ದಸಾರಾ ನಿತ್ಯನೂತನಯೌವನಾ ।
ಪರಬ್ರಹ್ಮಾವೃತಾ ಧ್ಯೇಯಾ ಮಹಾರೂಪಾ ಮಹೋಜ್ಜ್ವಲಾ ॥೧೧೯॥
ಕೋಟಿಸೂರ್ಯಪ್ರಭಾ ಕೋಟಿಚನ್ದ್ರಬಿಮ್ಬಾಧಿಕಚ್ಛವಿಃ ।
ಕೋಮಲಾಮೃತವಾಗಾದ್ಯಾ ವೇದಾದ್ಯಾ ವೇದದುರ್ಲಭಾ ॥೧೨೦॥
ಕೃಷ್ಣಾಸಕ್ತಾ ಕೃಷ್ಣಭಕ್ತಾ ಚನ್ದ್ರವಲಿನಿಷೇವಿತಾ ।
ಕಲಾಷೋಡಶಸಮ್ಪೂರ್ಣಾ ಕೃಷ್ಣದೇಹಾರ್ಧಧಾರಿಣೀ ॥೧೨೧॥
ಕೃಷ್ಣಬುದ್ಧಿಃ ಕೃಷ್ಣಸಾರಾ ಕೃಷ್ಣರೂಪವಿಹಾರಿಣೀ ।
ಕೃಷ್ಣಕಾನ್ತಾ ಕೃಷ್ಣಧನಾ ಕೃಷ್ಣಮೋಹನಕಾರಿಣೀ ॥೧೨೨॥
ಕೃಷ್ಣದೃಷ್ಟಿಃ ಕೃಷ್ಣಗೋತ್ರೀ ಕೃಷ್ಣದೇವೀ ಕುಲೋದ್ವಹಾ ।
ಸರ್ವಭೂತಸ್ಥಿತಾವಾತ್ಮಾ ಸರ್ವಲೋಕನಮಸ್ಕೃತಾ ॥೧೨೩॥
ಕೃಷ್ಣದಾತ್ರೀ ಪ್ರೇಮಧಾತ್ರೀ ಸ್ವರ್ಣಗಾತ್ರೀ ಮನೋರಮಾ ।
ನಗಧಾತ್ರೀ ಯಶೋದಾತ್ರೀ ಮಹಾದೇವೀ ಶುಭಙ್ಕರೀ ॥೧೨೪॥
ಶ್ರೀಶೇಷದೇವಜನನೀ ಅವತಾರಗಣಪ್ರಸೂಃ ।
ಉತ್ಪಲಾಙ್ಕಾರವಿನ್ದಾಙ್ಕಾ ಪ್ರಾಸಾದಾಙ್ದಾದ್ವಿತೀಯಕಾ ॥೧೨೫॥
ರಥಾಙ್ಕಾ ಕುಞ್ಜರಾಙ್ಕಾ ಚ ಕುಣ್ಡಲಾಙ್ಕಪದಸ್ಥಿತಾ ।
ಛತ್ರಾಙ್ಕಾ ವಿದ್ಯುದಙ್ಕಾ ಚ ಪುಷ್ಪಮಾಲಾಙ್ಕಿತಾಪಿ ಚ ॥೧೨೬॥
ದಣ್ಡಾಙ್ಕಾ ಮುಕುಟಾಙ್ಕಾ ಚ ಪೂರ್ಣಚನ್ದ್ರಾ ಶುಕಾಙ್ಕಿತಾ ।
ಕೃಷ್ಣಾನ್ನಾಹಾರಪಾಕಾ ಚ ವೃನ್ದಾಕುಞ್ಜವಿಹಾರಿಣೀ ॥೧೨೭॥
ಕೃಷ್ಣಪ್ರಬೋಧನಕರೀ ಕೃಷ್ಣಶೇಷಾನ್ನಭೋಜಿನೀ ।
ಪದ್ಮಕೇಸರಮಧ್ಯಸ್ಥಾ ಸಙ್ಗೀತಾಗಮವೇದಿನೀ ॥೧೨೮॥
ಕೋಟಿಕಲ್ಪಾನ್ತಭ್ರೂಭಙ್ಗಾ ಅಪ್ರಾಪ್ತಪ್ರಲಯಾಚ್ಯುತಾ ।
ಸರ್ವಸತ್ತ್ವನಿಧಿಃ ಪದ್ಮಶಙ್ಖಾದಿನಿಧಿಸೇವಿತಾ ॥೧೨೯॥
ಅಣಿಮಾದಿಗುಣೈಶ್ವರ್ಯಾ ದೇವವೃನ್ದವಿಮೋಹಿನೀ ।
ಸರ್ವಾನನ್ದಪ್ರದಾ ಸರ್ವಾ ಸುವರ್ಣಲತಿಕಾಕೃತಿಃ ॥೧೩೦॥
ಕೃಷ್ಣಾಭಿಸಾರಸಂಕೇತಾ ಮಾಲಿನೀ ನೃತ್ಯಪಣ್ಡಿತಾ ।
ಗೋಪೀಸಿನ್ಧುಸಕಾಶಾಹ್ವಾ ಗೋಪಮಣ್ಡಪಶೋಭಿನೀ ॥೧೩೧॥
ಶ್ರೀಕೃಷ್ಣಪ್ರೀತಿದಾ ಭೀತಾ ಪ್ರತ್ಯಙ್ಗಪುಲಕಾಞ್ಚಿತಾ ।
ಶ್ರೀಕೃಷ್ಣಾಲಿಂಗನರತಾ ಗೋವಿನ್ದವಿರಹಾಕ್ಷಮಾ ॥೧೩೨॥
ಅನನ್ತಗುಣಸಮ್ಪನ್ನಾ ಕೃಷ್ಣಕೀರ್ತನಲಾಲಸಾ ।
ಬೀಜತ್ರಯಮಯೀಮೂರ್ತಿಃ ಕೃಷ್ಣಾನುಗ್ರಹವಾಞ್ಛಿತಾ ॥೧೩೩॥
ವಿಮಲಾದಿನಿಷೇವ್ಯಾ ಚ ಲಲಿತಾದ್ಯರ್ಚಿತಾ ಸತೀ ।
ಪದ್ಮವೃನ್ದಸ್ಥಿತಾ ಹೃಷ್ಟಾ ತ್ರಿಪುರಾಪರಿಸೇವಿತಾ ॥೧೩೪॥
ವೃನ್ತಾವತ್ಯರ್ಚಿತಾ ಶ್ರದ್ಧಾ ದುರ್ಜ್ಞೇಯಾ ಭಕ್ತವಲ್ಲಭಾ ।
ದುರ್ಲಭಾ ಸಾನ್ದ್ರಸೌಖ್ಯಾತ್ಮಾ ಶ್ರೇಯೋಹೇತುಃ ಸುಭೋಗದಾ ॥೧೩೫॥
ಸಾರಙ್ಗಾ ಶಾರದಾ ಬೋಧಾ ಸದ್ವೃನ್ದಾವನಚಾರಿಣೀ ।
ಬ್ರಹ್ಮಾನನ್ದಾ ಚಿದಾನನ್ದಾ ಧ್ಯಾನಾನನ್ದಾರ್ಧಮಾತ್ರಿಕಾ ॥೧೩೬॥
ಗನ್ಧರ್ವಾ ಸುರತಜ್ಞಾ ಚ ಗೋವಿನ್ದಪ್ರಾಣಸಙ್ಗಮಾ ।
ಕೃಷ್ಣಾಙ್ಗಭೂಷಣಾ ರತ್ನಭೂಷಣಾ ಸ್ವರ್ಣಭೂಷಿತಾ ॥೧೩೭॥
ಶ್ರೀಕೃಷ್ಣಹೃದಯಾವಾಸಾ ಮುಕ್ತಾಕನಕನಾಸಿಕಾ ।
ಸದ್ರತ್ನಕಙ್ಕಣಯುತಾ ಶ್ರೀಮನ್ನೀಲಗಿರಿಸ್ಥಿತಾ ॥೧೩೮॥
ಸ್ವರ್ಣನೂಪುರಸಮ್ಪನ್ನಾ ಸ್ವರ್ಣಕಿಙ್ಕಿಣಿಮಣ್ಡಿತಾ ।
ಅಶೇಷರಾಸಕುತುಕಾ ರಮ್ಭೋರೂಸ್ತನುಮಧ್ಯಮಾ ॥೧೩೯॥
ಪರಾಕೃತಿಃ ಪರಾನನ್ದಾ ಪರಸ್ವರ್ಗವಿಹಾರಿಣೀ ।
ಪ್ರಸೂನಕಬರೀ ಚಿತ್ರಾ ಮಹಾಸಿನ್ದೂರಸುನ್ದರೀ ॥೧೪೦॥
ಕೈಶೋರವಯಸಾ ಬಾಲಾ ಪ್ರಮದಾಕುಲಶೇಖರಾ ।
ಕೃಷ್ಣಾಧರಸುಧಾಸ್ವಾದಾ ಶ್ಯಾಮಪ್ರೇಮವಿನೋದಿನೀ ॥೧೪೧॥
ಶಿಖಿಪಿಚ್ಛಸಚ್ಚೂಡಾ ಸ್ವರ್ಣಚಮ್ಪಕಭೂಷಿತಾ ।
ಕುಂಕುಮಾಲಕ್ತಕಸ್ತೂರೀಮಣ್ಡಿತಾ ಚಾಪರಾಜಿತಾ ॥೧೪೨॥
ಹೇಮಹಾರಾನ್ವಿತಾ ಪುಷ್ಪಹಾರಾಢ್ಯಾ ರಸವತ್ಯಪಿ ।
ಮಾಧುರ್ಯಮಧುರಾ ಪದ್ಮಾ ಪದ್ಮಹಸ್ತಾ ಸುವಿಶ್ರುತಾ ॥೧೪೩॥
ಭ್ರೂಭಙಗಾಙ್ಗಕೋದಂಡಕಟಾಕ್ಷರಸಂಧಿನೀ ।
ಶೇಷದೇವಾಶಿರಸ್ಥಾ ಚ ನಿತ್ಯಸ್ಥಲವಿಹಾರಿಣೀ ॥೧೪೪॥
ಕಾರುಣ್ಯಜಲಮಧ್ಯಸ್ಥಾ ನಿತ್ಯಮತ್ತಾಧಿರೋಹಿಣೀ ।
ಅಷ್ಟಭಾವವತೀ ಚಾಷ್ಟನಾಯಿಕಾ ಲಕ್ಷಣಾನ್ವಿತಾ ॥೧೪೫॥
ಸುನೀತಿಜ್ಞಾ ಶ್ರುತಿಜ್ಞಾ ಚ ಸರ್ವಜ್ಞಾ ದುಃಖಹಾರಿಣೀ ।
ರಜೋಗುಣೇಶ್ವರೀ ಚೈವ ಶರಚ್ಚನ್ದ್ರನಿಭಾನನಾ ॥೧೪೬॥
ಕೇತಕೀಕುಸುಮಾಭಾಸಾ ಸದಾ ಸಿನ್ಧುವನಸ್ಥಿತಾ ।
ಹೇಮಪುಷ್ಪಾಧಿಕಕರಾ ಪಞ್ಚಶಕ್ತಿಮಯೀ ಹಿತಾ ॥೧೪೭॥
ಸ್ತನಕುಮ್ಭೀ ನರಢ್ಯಾ ಚ ಕ್ಷೀಣಾಪುಣ್ಯಾ ಯಶಸ್ವಿನೀ ।
ವೈರಾಜಸೂರ್ಯಜನನೀ ಶ್ರೀಶಾ ಭುವನಮೋಹಿನೀ ॥೧೪೮॥
ಮಹಾಶೋಭಾ ಮಹಾಮಾಯಾ ಮಹಾಕಾನ್ತಿರ್ಮಹಾಸ್ಮೃತಿಃ ।
ಮಹಾಮೋಹಾ ಮಹಾವಿದ್ಯಾ ಮಹಾಕೀರ್ತಿರ್ಮಹಾರತಿಃ ॥೧೪೯॥
ಮಹಾಧೈರ್ಯಾ ಮಹಾವೀರ್ಯಾ ಮಹಾಶಕ್ತಿರ್ಮಹಾದ್ಯುತಿಃ ।
ಮಹಾಗೌರೀ ಮಹಾಸಮ್ಪನ್ಮಹಾಭೋಗವಿಲಾಸಿನೀ ॥೧೫೦॥
ಸಮಯಾ ಭಕ್ತಿದಾಶೋಕಾ ವಾತ್ಸಲ್ಯರಸದಾಯಿನೀ ।
ಸುಹದ್ಭಕ್ತಿಪ್ರದಾ ಸ್ವಚ್ಛಾ ಮಾಧುರ್ಯರಸವರ್ಷಿಣೀ ॥೧೫೧॥
ಭಾವಭಕ್ತಿಪ್ರದಾ ಶುದ್ಭಪ್ರೇಮಭಕ್ತಿವಿಧಾಯಿನೀ ।
ಗೋಪರಾಮಭಿರಾಮಾ ಚ ಕ್ರಿಡಾರಾಮಾ ಪರೇಶ್ವರೀ ॥೧೫೨॥
ನಿತ್ಯರಾಮಾ ಚಾತ್ಮರಾಮಾ ಕೃಷ್ಣರಾಮಾ ರಮೇಶ್ವರೀ ।
ಏಕಾನೇಕಜಗದ್ವ್ಯಾಪ್ತಾ ವಿಶ್ವಲೀಲಾಪ್ರಕಾಶಿನೀ ॥೧೫೩॥
ಸರಸ್ವತೀಶಾ ದುರ್ಗೇಶಾ ಜಗದೀಶಾ ಜಗದ್ವಿಧಿಃ ।
ವಿಷ್ಣುವಂಶನಿವಾಸಾ ಚ ವಿಷ್ಣುವಂಶಸಮುದ್ಭವಾ ॥೧೫೪॥
ವಿಷ್ಣುವಂಶಸ್ತುತಾ ಕರ್ತ್ರೀ ವಿಷ್ಣುವಂಶಾವನೀ ಸದಾ ।
ಆರಾಮಸ್ಥಾ ವನಸ್ಥಾ ಚ ಸೂರ್ಯಪುತ್ರ್ಯವಗಾಹಿನೀ ॥೧೫೫॥
ಪ್ರೀತಿಸ್ಥಾ ನಿತ್ಯಯನ್ತ್ರಸ್ಥಾ ಗೋಲೋಕಸ್ಥಾ ವಿಭೂತಿದಾ ।
ಸ್ವಾನುಭೂತಿಸ್ಥಿತಾ ವ್ಯಕ್ತಾ ಸರ್ವಲೋಕನಿವಾಸಿನೀ ॥೧೫೬॥
ಅಮೃತಾ ಹ್ಯದ್ಭುತಾ ಶ್ರೀಮನ್ನಾರಾಯನಸಮೀಡಿತಾ ।
ಅಕ್ಷರಾಪಿ ಚ ಕೂಟಸ್ಥಾ ಮಹಾಪುರುಷಸಮ್ಭವಾ ॥೧೫೭॥
ಔದಾರ್ಯಭಾವಸಾಧ್ಯಾ ಚ ಸ್ಥೂಲಸೂಕ್ಷ್ಮಾತಿರೂಪಿಣೀ ।
ಶಿರೀಷಪುಷ್ಪಮೃದುಲಾ ಗಾಙೇಗಯಮುಕುರಪ್ರಭಾ ॥೧೫೮॥
ನೀಲೋತ್ಪಲಜಿತಾಕ್ಷೀ ಚ ಸದ್ರತ್ನಕಬರಾನ್ವಿತಾ ।
ಪ್ರೇಮಪರ್ಯಙ್ಕನಿಲಯಾ ತೇಜೋಮಣ್ಡಲಮಧ್ಯಗಾ ॥೧೫೯॥
ಕೃಷ್ಣಾಙ್ಗಗೋಪನಾಭೇದಾ ಲೀಲಾವರಣನಾಯಿಕಾ ।
ಸುಧಾಸಿನ್ಧುಸಮುಲ್ಲಾಸಾಮೃತಾಸ್ಯನ್ದವಿಧಾಯಿನೀ ॥೧೬೦॥
ಕೃಷ್ಣಚಿತ್ತಾ ರಾಸಚಿತಾ ಪ್ರೇಮಚಿತ್ತಾ ಹರಿಪ್ರಿಯಾ ।
ಅಚಿನ್ತನಗುಣಗ್ರಾಮಾ ಕೃಷ್ಣಲೀಲಾ ಮಲಾಪಹಾ ॥೧೬೧॥
ರಾಸಸಿನ್ಧುಶಶಾಙ್ಕಾ ಚ ರಾಸಮಣ್ಡಲಮಣ್ಡಿನೀ ।
ನತವ್ರತಾ ಶ್ರೀಹರೀಚ್ಛಾಸುಮೂರ್ತಿಃ ಸುರವನ್ದಿತಾ ॥೧೬೨॥
ಗೋಪೀಚೂಡಾಮಣಿರ್ಗೋಪೀಗಣೇಡ್ಯಾ ವಿರಜಾಧಿಕಾ ।
ಗೋಪಪ್ರೇಷ್ಠಾ ಗೋಪಕನ್ಯಾ ಗೋಪನಾರೀ ಸುಗೋಪಿಕಾ ॥೧೬೩॥
ಗೋಪಧಾಮಾ ಸುದಾಮಾಮ್ಬಾ ಗೋಪಾಲೀ ಗೋಪಮೋಹಿನೀ ।
ಗೋಪಭೂಷಾ ಕೃಷ್ಣಭೂಷಾ ಶ್ರೀವೃನ್ದಾವನಚನ್ದ್ರಿಕಾ ॥೧೬೪॥
ವೀಣಾದಿಘೋಷನಿರತಾ ರಾಸೋತ್ಸವವಿಕಾಸಿನೀ ।
ಕೃಷ್ಣಚೇಷ್ಟಾಪರಿಜ್ಞಾತಾ ಕೋಟಿಕನ್ದರ್ಪಮೋಹಿನೀ ॥೧೬೫॥
ಶ್ರೀಕೃಷ್ಣಗುಣಗಾನಾಢ್ಯಾ ದೇವಸುನ್ದರಿಮೋಹಿನೀ ।
ಕೃಷ್ಣಚನ್ದ್ರಮನೋಜ್ಞಾ ಚ ಕೃಷ್ಣದೇವಸಹೋದರೀ ॥೧೬೬॥
ಕೃಷ್ಣಾಭಿಲಾಷಿಣೀ ಕೃಷ್ಣಪ್ರೇಮಾನುಗ್ರಹವಾಞ್ಛಿನೀ ।
ಕ್ಷೇಮಾ ಚ ಮಧುರಾಲಾಪಾ ಭ್ರುವೋಮಾಯಾ ಸುಭದ್ರಿಕಾ ॥೧೬೭॥
ಪ್ರಕೃತಿಃ ಪರಮಾನನ್ದಾ ನೀಪದ್ರುಮತಲಸ್ಥಿತಾ ।
ಕೃಪಾಕಟಾಕ್ಷಾ ಬಿಮ್ಬೋಷ್ಠೀ ರಮ್ಭಾ ಚಾರುನಿತಮ್ಬಿನೀ ॥೧೬೮॥
ಸ್ಮರಕೇಲಿನಿಧಾನಾ ಚ ಗಣ್ಡತಾಟಙ್ಕಮಣ್ಡಿತಾ ।
ಹೇಮಾದ್ರಿಕಾನ್ತಿರುಚಿರಾ ಪ್ರೇಮಾಢ್ಯಾ ಮದಮನ್ಥರಾ ॥೧೬೯॥
ಕೃಷ್ಣಚಿನ್ತಾ ಪ್ರೇಮಚಿನ್ತಾ ರತಿಚಿನ್ತಾ ಚ ಕೃಷ್ಣದಾ ।
ರಾಸಚಿನ್ತಾ ಭಾವಚಿನ್ತಾ ಶುದ್ಧಚಿನ್ತಾ ಮಹಾರಸಾ ॥೧೭೦॥
ಕೃಷ್ಣಾದೃಷ್ಟಿತ್ರುಟಿಯುಗಾ ದೃಷ್ಟಿಪಕ್ಷ್ಮವಿನಿನ್ದಿನೀ ।
ಕನ್ದರ್ಪಜನನೀ ಮುಖ್ಯಾ ವೈಕುಣ್ಠಗತಿದಾಯಿನೀ ॥೧೭೧॥
ರಾಸಭಾವಾ ಪ್ರಿಯಾಶ್ಲಿಷ್ಟಾ ಪ್ರೇಷ್ಠಾ ಪ್ರಥಮನಾಯಿಕಾ ।
ಶುದ್ಧಾ ಸುಧಾದೇಹಿನೀ ಚ ಶ್ರೀರಾಮಾ ರಸಮಞ್ಜರೀ ॥೧೭೨॥
ಸುಪ್ರಭಾವಾ ಶುಭಾಚಾರಾ ಸ್ವರ್ನದೀನರ್ಮದಾಮ್ಬಿಕಾ ।
ಗೋಮತೀಚನ್ದ್ರಭಾಗೇಡ್ಯಾ ಸರಯೂತಾಮ್ರಪರ್ಣಿಸೂಃ ॥೧೭೩॥
ನಿಷ್ಕಲಙ್ಕಚರಿತ್ರಾ ಚ ನಿರ್ಗುಣಾ ಚ ನಿರಞ್ಜನಾ ।<B>
॥ ಫಲಶ್ರುತಿಃ ॥</B>
ಏತನ್ನಾಮಸಹಸ್ತ್ರಂ ತು ಯುಗ್ಮರೂಪಸ್ಯ ನಾರದ ॥೧೭೪॥
ಪಠನೀಯಂ ಪ್ರಯತ್ನೇನ ವೃನ್ದಾವನರಸಾವಹೇ ।
ಮಹಾಪಾಪಪ್ರಶಮನಂ ವನ್ಧ್ಯಾತ್ವವಿನಿವರ್ತಕಮ್ ॥೧೭೫॥
ದಾರಿದ್ರ್ಯಶಮನಂ ರೋಗನಾಶನಂ ಕಾಮದಂ ಮಹತ್ ।
ಪಾಪಾಪಹಂ ವೈರಿಹರಂ ರಾಧಾಮಾಧವಭಕ್ತಿದಮ್ ॥೧೭೬॥
ನಮಸ್ತಸ್ಮೈ ಭಗವತೇ ಕೃಷ್ಣಾಯಾಕುಣ್ಠಮೇಧಸೇ ।
ರಾಧಾಸಂಗಸುಧಾಸಿನ್ಧೌ ನಮೋ ನಿತ್ಯವಿಹಾರಿಣೇ ॥೧೭೭॥
ರಾಧಾದೇವೀ ಜಗತ್ಕರ್ತ್ರೀ ಜಗತ್ಪಾಲನತತ್ಪರಾ ।
ಜಗಲ್ಲಯವಿಧಾತ್ರೀ ಚ ಸರ್ವೇಶೀ ಸರ್ವಸೂತಿಕಾ ॥೧೭೮॥
ತಸ್ಯಾ ನಾಮಸಹಸ್ತ್ರಂ ವೈ ಮಯಾ ಪ್ರೋಕ್ತಂ ಮುನೀಶ್ವರ ।
ಭುಕ್ತಿಮುಕ್ತಿಪ್ರದಂ ದಿವ್ಯಂ ಕಿಂ ಭೂಯಃ ಶ್ರೋತುಮಿಚ್ಛಸಿ ॥೧೭೯॥
॥ ಇತಿ ಶ್ರೀಬೃಹನ್ನಾರದೀಯಪುರಾಣೇ ಪೂರ್ವಭಾಗೇ ಬೃಹದುಪಾಖ್ಯಾನೇ ತೃತೀಯಪಾದೇ ಶ್ರೀರಾಧಾಕೃಷ್ಣಸಹಸ್ತ್ರನಾಮಾಸ್ತೋತ್ರಂ ಸಮ್ಪೂರ್ಣಮ್ ॥
hindu
